sru:version: 1.2; sru:query: fcs.rf="mecmua.1_183"; fcs:x-context: mecmua; fcs:x-dataview: title,full; sru:startRecord: 1; sru:maximumRecords: 10; sru:query: fcs.rf="mecmua.1_183"; sru:baseUrl: ; fcs:returnedRecords: 1; fcs:duration: PT0.044S PT0.047S; fcs:transformedQuery: /descendant-or-self::fcs:resourceFragment[ft:query(@resourcefragment-pid,<query><phrase>mecmua.1_183</phrase></query>)];

341 Terlemeyüb buñalsa bir ādem
Cünd‑i bī‑desteri getür ol dem

342 Ḫurd ėdüb zeyt‑ile anı qaynat
Sür tenine ki defʿ ola ʿillet

343 Terleye qurtula bu zaḥmetden
Derde dermān ėrişe ḥażretden

344 Żamad‑i [!] Dāniyālı eyle aña
Eyü olub seni duʿāda aña

ʿilāc‑i raʿşe

345 Raʿşe kim ditreye qamu endām
Lerzeden incine ṣabāḥ aḥşam

346 Evvelā al ṣıġır yoġurdından
Beze dök daḫı süzile andan

347 Zifti ṭaş‑ile taḥtada [!] un ėt
Qına ile bu zifti mevzūn ėt

348 Evvelā elde olsa bu raʿşe
Yaqı eyle kim omuza ėrişe

349 Her ne ʿużvında var ise eyle
Qab‑ile yaqu eyle ̮anı böyle

devā‑yi yereqān

350 Yereqān zaḥmetine bir dermān
Ėtdügümdür niçe niçe ey cān

351 Hĭc ḫılāf eylemez mücerrebdür
ʿAmelümdür iñen muqarrebdür

352 Evvelā şerbet‑ile qıl ishāl
ʿAqabince bunı ėdüñ fī l‑ḥāl

353 Yaʿnĭ sümüklü böcegi alġıl
Niçesin bir çanaq ṣuya ṣalġıl

354 Çalqa ol ṣuyı hem şeker birle
Ṭatlu eyle içer seḥer birle

355 Qurtulur tīzcek bi‑iẕni llāh
Tecrübe qıl inanmasañ bi‑llāh

beyān‑i ʿilāc‑i istisqā

356 İşit imdi nedür bu istisqā
Laḥmĭ ẕiqqī [!] vü ṭablidür cānā

357 Ṣuñ felāsife vėre ḫod tiryāk
Yiye vü eyleye ġıdāsını pāk

358 Baṭnĭ olsa içür aña muġlāb
Baʿdehū şerbetin ėde işrāb

359 Gāh muġlābla gehī şerbet
Qalmaya anda tā ki bu ʿillet

ʿilāc‑i istisqā‑i ẕiqqī [!]